Պեսկովը` ՌԴ-ԱՄՆ բանակցությունների մասին
ԱՄՆ իշխանությունները քաջատեղյակ են ՌԴ նախագահ Վլադիմիր Պուտինի բոլոր հիմնական ուղերձներին, սակայն նրանց կողմից բանակցելու ցանկություն կամ քաղաքական կամք դեռ չկա։ Այս մասին ՏԱՍՍ-ին հայտնել է ՌԴ նախագահի մամուլի քարտուղար Դմիտրի Պեսկովը։
«ԱՄՆ իշխանությունները քաջատեղյակ են մեր դիրքորոշմանը, նրանք քաջատեղյակ են Պուտինի բոլոր հիմնական ուղերձներին»,- ասել է Կրեմլի խոսնակը՝ պատասխանելով այն հարցին, թե արդյոք Պուտինի հարցազրույցը լրագրող Թաքեր Կարլսոնին կօգնի՞ Մոսկվայի տեսակետը հասցնել Վաշինգտոնին:
Պեսկովի խոսքով՝ ԱՄՆ-ում պետք է ցանկություն ունենան բանակցությունների դուրս գալու համար:
«Նման ցանկություն ու դրա քաղաքական կամքը մենք առայժմ չենք արձանագրում»,- ընդգծել է ՌԴ նախագահի մամուլի քարտուղարը։
