Մենք որևէ այլ երկրի նկատմամբ տարածքային պահանջ չունենք. Սուրեն Պապիկյան
Մենք որևէ այլ երկրի նկատմամբ տարածքային պահանջ չունենք: Այս մասին Հանրայինի եթերում հայտարարել է ՀՀ ՊՆ ղեկավար Սուրեն Պապիկյանը:
Պաշտպանության նախարարի խոսքով՝ ՀՀ զինված ուժերը մեկ խնդիր ունեն՝ պաշտպանել Հայաստանի Հանրապետության ինքնիշխանությունը և տարածքային ամբողջականությունը:
Սուրեն Պապիկյանը նաև անդրադարձել է զորակոչի թեմային։
«Ծառայելու պատրաստակամության պակաս ունենք, դա ցույց է տալիս այն հանգամանքը, որ շատերը փորձում են զարտուղի ճանապարհով խուսափել զինվորական ծառայությունից:
Կա հանձնարարական բոլոր պատկան մարմիններին զբաղվել դրանով»,-ասել է Պապիկյանը։
Սուրեն Պապիկյանը տեղեկացրել է, որ այն զինվորականները, ովքեր հավուր պատշաճի պատրաստ են ատեստավորման կամ պատրաստվում են, եթե անգամ պատրաստ չեն եղել նախկինում, նրանք էապես բարձր աշխատավարձ կարող են ստանալ։
«Ատեստավորումը, ի հեճուկս բոլոր պեսիմիստների բերել է նրան, որ մենք տեսնում ենք, որ մոտիվացիան և մրցակցությունը բանակի համար բերում է էական հաջողություններ»,- ասել է նա։
