Մասկի ընկերությունը մարդու ուղեղում իմպլանտ է տեղադրել

Առաջին մարդը ստացել է Neuralink իմպլանտը և իրեն լավ է զգում։ Այս մասին հայտնել է ամերիկացի ձեռնարկատեր Իլոն Մասկը։

«Առաջին մարդը երեկ իմպլանտ է ստացել Neuralink-ից և լավ է ապաքինվում (վիրահատությունից հետո)»,- սոցիալական ցանցի իր «X»-ում գրել է գործարարը։

Իլոն Մասկի խոսքով՝ սարքի աշխատանքի վերաբերյալ ստացված առաջին տվյալները խոստումնալից արդյունքներ են ցույց տալիս։

Նշենք, որ ավելի ուշ Մասկը գրել է, որ Neuralink նոր սարքը կոչվում է Telepathy: Նրա խոսքով, այն սեփականատիրոջը հնարավորություն է տալիս կառավարել սմարթֆոնը կամ համակարգիչը՝ օգտագործելով մտքի ուժը և առաջին հերթին ստեղծված է այն մարդկանց համար, ովքեր կորցրել են իրենց վերջույթներն օգտագործելու ունակությունը։

«Պատկերացրեք, եթե Սթիվեն Հոքինգը կարողանար ավելի արագ շփվել, քան մեքենագրուհին կամ աճուրդի հաղորդավարը: Դա է նպատակը», - հավելել է Մասկը:

Անցյալ տարվա մայիսին Neuralink-ը ստացավ կարգավորող թույլտվություն՝ մարդկանց վրա կլինիկական փորձարկումներ անցկացնելու համար, իսկ սեպտեմբերին հայտարարեց կամավորների հավաքագրման մասին՝ ուղեղում իմպլանտների տեղադրման կլինիկական փորձարկումների համար, որոնք կարող են օգտագործվել նաև պրոթեզավորումը վերահսկելու համար: Մասկը հայտարարել է, որ ընկերությունը նախատեսում է պրոթեզներ ստեղծել, որոնք կառավարվում են ուղեղում տեղադրված իմպլանտով։ Գործարարի խոսքով՝ նման ծառայության արժեքը կարող է կազմել մոտ 60 հազար դոլար։