Ֆիլիպիններում 9 իսլամիստի են ոչնչացրել
Ֆիլիպինների Մինդանաո կղզում (Հարավային Լանաո նահանգ) Հանրապետության զինված ուժերի գործողության ժամանակ ոչնչացվել է «Դաուլա Իսլամիա» ծայրահեղական խմբավորման 9 զինյալ: Այս մասին հայտնում է Այս մասին հայտնում է The Manila Times թերթը: Տեղեկությունը փոխանցում է ՌԻԱ Նովոստին:
Երկու զինյալներ, զինվորականների տեղեկատվության համաձայն, մասնակից են Մարավի քաղաքի Մինդանաոյի համալսարանում 2023 թվականի դեկտեմբերին տեղի ունեցած ահաբեկչությանը։ Առգրավվել է 8 միավոր հրազեն։
Իշխանությունների տվյալներով՝ «Դաուլա Իսլամիա» խմբավորումը պատասխանատվություն է կրում համալսարանական մարզադահլիճում կաթոլիկ պատարագի ժամանակ պայթյունի կազմակերպման համար: Արդյունքում զոհվել է 4 մարդ, ավելի քան 50-ը՝ վիրավորվել։ Ֆիլիպինների իրավապահ մարմինները դեկտեմբերի 8-ին ձերբակալել են կասկածյալներից մեկին, ով ինքնաշեն պայթուցիկ սարք էր բերել մարզասրահ: Իրավապահները շարունակում են փնտրել այլ անձանց, ովքեր մասնակից են եղել այդ ահաբեկչությանը։
