ՄՏՍ-ը ավարտել է «ՄՏՍ Հայաստան»-ի վաճառքի գործարքը
Հեռահաղորդակցային ՄՏՍ ընկերությունը (MOEX: MTSS) հայտարարել է իր դուստր ընկերության՝ «ՄՏՍ Հայաստան»-ի (Viva-MTS) բաժնետոմսերի 100%-ը վաճառելու գործարքի ավարտի մասին: Նոր սեփականատերը կիպրական «Ֆեդիլքո գրուպ լիմիթիդ» (Fedilco Group Limited) ընկերությունն է:
«Գործարքը ներառել է նաև «ՄոբիԴրամ» ՓԲԸ-ն՝ հայկական շուկայում ֆինանսական ծառայություններ մատուցող վճարային համակարգը՝ 100%-ով «ՄՏՍ Հայաստան»-ի դուստր ընկերությունը»,- ասվում է ընկերության կայքում տեղադրված հաղորդագրության մեջ:
ՄՏՍ-ի մամուլի ծառայությունից պարզաբանել են, որ ընկերությունը ստացել է բոլոր անհրաժեշտ կորպորատիվ հաստատումները և թույլտվությունները Հայաստանի կարգավորող մարմիններից։
Ըստ bagramyan26 տեղեկությունների՝ Ռոբերտ Քոչարյանն ու Կարեն Կարապետյանը ցանկանում էին Գազպրոմբանկի միջոցով ձեռք բերել «ՄՏՍ Արմենիա» ՓԲԸ-ն (Վիվա Սել), սակայն նրանց մերժել են:
