Իրանը որևէ կողմի թույլ չի տա վտանգավոր գործողություններ կատարել սահմանին. ՊՆ ղեկավար
Իրանն իր ազգային շահերն ու ժողովրդին պաշտպանում է մեծ եռանդով և առանց որևէ վերապահումների, հայտարարել է պաշտպանության նախարար Մոհամմադ Ռեզա Աշտիանին՝ ԴԱԻՇ ահաբեկչական խմբավորման և Իսրայելի հետախուզության՝ Մոսադի կենտրոնի դեմ Սիրիայում և Իրաքում մի շարք հրթիռային հարվածներից հետո։ Այս մասին գրում է tasnimnews.com-ը:
Երեքշաբթի վաղ առավոտյան սիրիական Իդլիբում և իրաքյան Էրբիլում գտնվող թիրախների ուղղությամբ Իսլամական հեղափոխության պահապանների կորպուսի կողմից հասցված հրթիռային հարվածների մասին լրագրողների հարցին ի պատասխան Իրանի պաշտպանության նախարարն ասել է.«Մենք սահմաններ չենք դնում մեր ազգային շահերի և ժողովրդի պաշտպանությանն ուղղված միջոցառումներում և նման միջոցներ կձեռնարկենք հզոր կերպով»։
Վերահաստատելով Իրանի հարգանքը այլ պետությունների ինքնիշխանության, շահերի և կանոնակարգերի նկատմամբ՝ Աշտիանին ասել է, որ Իրանը որևէ կողմի թույլ չի տա վտանգավոր գործողություններ կատարել սահմանին։
«Մենք ակարձագանքնեք ցանկացած տարածքից Իրանի Իսլամական Հանրապետության դեմ ուղղված սպառնալիքներին»,- ընդգծել է նա։
Նմանատիպ հոդվածներ
44-օրյա պատերազմից հետո անհետացել է 17 հազար միավոր «Կալաշնիկով» ինքնաձիգ. ՆԳ նախարար
Իրանի զինված ուժերն առաջիկա ժամերին կսկսեն լայնածավալ զորավարժություններ
ՆԱՏՕ-ն կոչ է արել պատրաստ լինել ռազմական գործողությունների
Պակիստանի բանակը բերվել է չափազանց բարձր մարտական պատրաստվածության վիճակի
Ավելին Ռազմական բաժնից
Թրամփը չի կարողանում դուրս գալ իրավիճակից. Axios
Իրանի գերագույն առաջնորդին պատկանող ինքնաթիռը ոչնչացվել է
Իսրայելը ցամաքային գործողություն է սկսել Լիբանանում
