ՏԵՍԱՆՅՈՒԹ. Լոնդոնն ու Վաշինգտոնը թանկ գին կվճարեն. Եմենի հուսիթները` գործողությունների մասին
Լոնդոնն ու Վաշինգտոնը պետք է պատրաստ լինեն թանկ գին վճարել Եմենի վրա զանգվածային հարձակումների համար։ Այս մասին հայտարարել է Եմենի ԱԳՆ ղեկավարի տեղակալ Հուսեյն ալ Ազին։
«Մեր երկիրը ենթարկվել է ամերիկյան նավերի, սուզանավերի և կործանիչների զանգվածային ռազմական ագրեսիայի։ Անկասկած, Լոնդոնն ու Վաշինգտոնը պետք է պատրաստ լինեն թանկ գին վճարել»,- նրա խոսքերն է մեջբերում լիբանանյան Al Mayadeen հեռուստաալիքը:
Ըստ լրատվամիջոցների` Եմենի հուսիթները հայտարում են, որ Կարմիր և Արաբական ծովերը փակ կմնան Իսրայելի հետ կապված նավերի համար մինչև «Գազայի պատերազմն ավարտվի»:
Հուսիթների ղեկավարությունից հայտնել են նաև, որ ԱՄՆ-ն և Մեծ Բրիտանիան Եմենի դեմ չմտածված գործողություններով փորձում են շեղել ուշադրությունը Գազայի հատվածում ցեղասպանությունից:
Հիշեցնենք` ավելի վաղ հայտնել էինք, որ ԱՄՆ-ը և Մեծ Բրիտանիան հարվածներ են հասցրել Եմենի հուսիթների ուղղությամբ: Համացանցում անդադար նոր կադրեր են հրապարակվում:
