ՏԵՍԱՆՅՈՒԹ. Հարվածներ` ավելի քան 60 թիրախի. ԱՄՆ-ն` Եմենում կատարվողի մասին
ԱՄՆ-ը և կոալիցիոն ուժերը 16 ուղղություններով հարվածել են Իրանի աջակցությունը վայելող Հութի շարժման ավելի քան 60 թիրախների Եմենում: Այս մասին հայտնում են ԱՄՆ ռազմաօդային ուժերը հայտնում են:
Հաղորդվում է, որ օգտագործվել է տարբեր տեսակի ավելի քան 100 ճշգրիտ կառավարվող զինամթերք։ Հարվածներ են հասցվել թե՛ օդից, թե՛ ծովից։
«Մերձավոր Արևելքում մենք հավատարիմ ենք մեր կարևոր գործընկերներին՝ օգնելու նրանց պաշտպանվել Իրանի աջակցությունը վայելող խմբավորումներից, այդ թվում՝ հութի գրոհայիններից և սպառնալիքներից։ Նրանք սպառնալիք են տարածաշրջանային անվտանգության ու կայունության համար», - ասել է ԱՄՆ ռազմաօդային ուժերի կենտրոնական հրամանատար, գեներալ-լեյտենանտ Ալեքս Գրինկևիչը:
Պենտագոնի ղեկավար Լլոյդ Օսթինըն էլ հոսպիտալից հրամայել է Եմենում հուսիթներին հարվածներ հասցնել ՝ օգտագործելով կապի պաշտպանված միջոցներ։ Այս մասին հայտնել Է CNN հեռուստաալիքը:
ԱՄՆ պաշտպանության նախարարության բարձրաստիճան պաշտոնյան հայտնել է, որ Օսթինը վերահսկում էր գործողությունը, չնայած այն հանգամանքին, որ գտնվում էր հիվանդանոցում:
«Այսօրվա հարվածները թիրախավորել են հուսիթների անօդաչու թռչող սարքերի, բալիստիկ և թեւավոր հրթիռների, ափամերձ ռադարների և օդադեսանտային հսկողության հնարավորությունների հետ կապված վայրերը», - ասվում է Օսթինի հայտարարության մեջ ԱՄՆ պաշտպանության նախարարության կայքում:
