ՏԵՍԱՆՅՈՒԹ. Ամբողջությամբ այրվել է Ճապոնիայի նախկին վարչապետի նստավայրը
Ճապոնիայի մայրաքաղաք Տոկիոյի կենտրոնում ամբողջությամբ այրվել է Ճապոնիայի նախկին վարչապետ Կակուեյ Տանակայի նստավայրը: Այս մասին ՌԻԱ Նովոստիի փոխանցմամբ` հայտնել է NHK-ն։
Ենթադրաբար, արտակարգ դեպքի պատճառը եղել է վառվող հոտավետ փայտիկները: Երկու ժամ անց հրդեհը գրեթե ամբողջությամբ մարվել է 20 մարտական հաշվարկի ուժերով, սակայն երկհարկանի շենքը գրեթե ամբողջությամբ այրվել է, իսկ նույն տարածքում գտնվող մեկ հարկանի շենքը՝ մասամբ։ Հրդեհի ընդհանուր մակերեսը կազմել է 800 քմ։
Հաղորդվում է, որ տանը եղել է Տանակայի դուստրը և նրա ամուսինը. ոչ ոք չի վնասվել:
Նշվում է, որ ոստիկանությունն ու հրշեջները դեպքի վայրն ուսումնասիրելու են երեքշաբթի։
