Հայաստանի առևտրային ամենախոշոր գործընկերը շարունակում է մնալ Ռուսաստանը, թեպետ ՌԴ մասնաբաժինն ընդհանուր առևտրաշրջանառության մեջ փոքր-ինչ նվազել է։ Այս մասին այսօր հրավիրված 2023 թվականի ամփոփիչ մամուլի ասուլիսի ժամանակ ասաց ՀՀ էկոնոմիկայի նախարար Վահան Քերոբյանը։

«Հաջորդում են Արաբական Միացյալ Էմիրությունները, Չինաստանը, Վրաստանը, ԱՄՆ-ն, որն առաջին անգամ է այս ցուցակում, ինչը ևս հետաքրքիր է»,- նշեց նախարարը։

Նրա խոսքով՝ ՀՀ կառավարությունը շարունակում է աշխատանքներն առավել դիվերսիֆիկացված արտաքին առևտրաշրջանառություն ունենալու ուղղությամբ։