Իրաքը ծրագրում է ամբողջությամբ դադարեցնել նավթամթերքի ներմուծումը
Իրաքը մտադիր է 2024 թվականին հրաժարվել նավթամթերքի ներկրումից։ Այս մասին ՌԻԱ Նովոստիին հայտնել է Իրաքի նավթի նախարարության պաշտոնական ներկայացուցիչ Ասեմ Ջիհադը։
Ջիհադը նշել է, որ 2024 թվականին երկիրն ավելի շատ ապավինելու է տեղական արտադրությանը, իսկ մի շարք նավթավերամշակման գործարաններում արտադրությունը սկսելուց հետո նավթամթերքի ներմուծման մակարդակը կկրճատվի մինչև դրա ամբողջական դադարեցումը:
Ներկայումս Իրաքը նավթամթերք է ներկրում, այդ թվում՝ բարելավված բենզին, որպեսզի լրացնի ներքին շուկայում առկա դեֆիցիտը: Իրաքը ածխաջրածինների երրորդ հետախուզված պաշարներն ունի աշխարհում։ Այն, ունենալով աշխարհում նավթի երկրորդ ապացուցված պաշարները (112 միլիարդ բարել), աշխարհի առաջատար նավթային պետությունների շարքում է:
