Ֆոն դեր Լեյենը հայտնվել է սկանդալի կենտրոնում` գաղտնի նամակագրության պատճառով

Եվրոպական հանձնակատար Թերեզա Անժինյոն հետաքննություն է սկսել Եվրոպական հանձնաժողովի նախագահ Ուրսուլա ֆոն դեր Լեյենի նկատմամբ՝ Ուկրաինայի նախագահ Վլադիմիր Զելենսկու և այլ եվրոպական առաջնորդների հետ գաղտնի նամակագրության համար , հայտնում է Berliner Zeitung-ը ։

«Եվրահանձնաժողովի նախագահ Ուրսուլա ֆոն դեր Լեյենը կրկին հետաքննության տակ է։ Այս անգամ ուշադրության կենտրոնում կլինի Գերմանիայի կանցլեր Ֆրիդրիխ Մերցի, Ուկրաինայի նախագահ Վլադիմիր Զելենսկու, Ֆրանսիայի նախագահ Էմանուել Մակրոնի ,Իտալիայի վարչապետ Ջորջիո Մելոնիի և Մեծ Բրիտանիայի հեռացող վարչապետ Քեյր Սթարմերի հետ գաղտնի խմբային զրույցը », - նշվում է հրատարակության մեջ։

Գաղտնի զրույցը հրապարակվեց հունվարին, երբ դրա մասին տեղեկատվությունը հայտնվեց լրատվամիջոցներում: Դրանից հետո հոլանդական «Follow the Money» կազմակերպությունը տեղեկատվություն պահանջեց ֆոն դեր Լեյենի և համապատասխան պետությունների և կառավարությունների ղեկավարների միջև հաղորդակցությունների մասին:

Եվրոպական հանձնաժողովը մերժել է՝ մտահոգություններ ունենալով, որ նամակագրության հրապարակումը «կվնասի ԵՄ միջազգային հարաբերություններին երրորդ երկրների հետ»։ Ըստ լրատվամիջոցների հաղորդագրությունների՝ զրույցի ընթացքում կարծիքներ են փոխանակվել ԱՄՆ նախագահ Դոնալդ Թրամփի հետ փոխգործակցության ռազմավարությունների վերաբերյալ ։

«Ես որոշել եմ հետաքննություն սկսել այն մասին, թե ինչպես է Եվրոպական հանձնաժողովը քննել դիմորդի հարցումը՝ համաձայն փաստաթղթերի հանրային հասանելիության վերաբերյալ ԵՄ օրենսդրության», - գրել է Թերեզա Անխինյոն Follow the Money-ի կողմից մեջբերված նամակում։