Հասարակություն

Էբոլայի բռնկումը սրվում է․ ռիսկը գնահատվում է բարձր. ԱՀԿ

Էբոլայի բռնկումը սրվում է․ ռիսկը գնահատվում է բարձր. ԱՀԿ
Էբոլա համաճարակի տարածման արագությունը գերազանցում է արձագանքման միջոցառումների արդյունավետությունը, հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ…

Էբոլա համաճարակի տարածման արագությունը գերազանցում է արձագանքման միջոցառումների արդյունավետությունը, հայտարարել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը։


«Համաճարակը շարունակում է աճել։ Էբոլայի տարածման տեմպը գերազանցում է դրա դեմ պայքարի միջոցառումների ներդրման տեմպին», - ասել է նա Ժնևում կայացած ճեպազրույցի ժամանակ։


ԱՀԿ-ի տվյալներով ՝ մինչ օրս հաստատվել է վարակի 1094 դեպք, որից 277-ը՝ մահվան ելքով։


Գեբրեյեսուսը նշել է, որ Կոնգոյի Դեմոկրատական ​​Հանրապետությունից Ֆրանսիա վերադարձած բժշկի դեպքը, որի մոտ Էբոլա էր ախտորոշվել, ընդգծում է բժշկական անձնակազմի շրջանում վարակի վտանգը։ Նա ասաց, որ համաճարակի սկզբից ի վեր վարակվել է 82 բժշկական աշխատող։


ԱՀԿ-ի ղեկավարը շեշտել է համաճարակին արձագանքման մասշտաբները մեծացնելու անհրաժեշտությունը՝ նշելով, որ վարակվածների բուժման և մեկուսացման կենտրոնները գրեթե ամբողջությամբ օգտագործվում են։


Առողջապահության համաշխարհային կազմակերպությունը (ԱՀԿ) Կոնգոյի Դեմոկրատական ​​Հանրապետությունում և Ուգանդայում Էբոլայի բռնկումը հայտարարել է հանրային առողջապահության արտակարգ իրավիճակ, որը վտանգ է ներկայացնում այլ երկրների համար: ԱՀԿ-ն վիրուսի տարածման տարածաշրջանային ռիսկը գնահատում է բարձր:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250