Ամուլսարի ոսկու հանքը կշահագործվի այս տարի. Քերոբյան
Ամուլսարի ոսկու հանքը արդյունահանումը կսկսի 2024թ.-ից, որը շուրջ հազար մարդու աշխատատեղ կապահովի։ Տարեկան ամփոփիչ ասուլիսի ժամանակ այս մասին ասել է ՀՀ էկոնոմիկայի նախարար Վահան Քերոբյանը։
«Ամուլսարում կստեղծվի մոտ հազար նոր աշխատատեղ, այս տարի նախատեսում ենք սկսել հանքի շահագործումը, սա մեծ ծրագիր է»,- հայտնել է նա։
Նշենք, որ Ամուլսարի ոսկու հանքավայրը Հայաստանում երկրորդ ամենամեծ մաքուր ոսկու հանքավայրն է։ Հանքավայրը գտնվում է առողջարանային Ջերմուկ քաղաքից 13 կմ հեռավորության վրա, ինչը բողոքի ակցիաների առիթ է տալիս՝ ցուցարարները պահանջում են չսկսել դրա շահագործումը։ Բնապահպաններն ու տեղի բնակիչները մտահոգված են, որ հանքի շահագործումը կարող է հանգեցնել Ջերմուկի և Սևանա լճի ստորերկրյա ջրերի աղտոտման՝ բնապահպանական աղետի պատճառ դառնալով։
