ՏԵՍԱՆՅՈՒԹ. Տոկիոյի օդանավակայանում ինքնաթիռներ են բախվել. կան զոհեր
Տոկիոյի օդանավակայանում բախվել են Japan Airlines–ի և առափնյա պահպանության ինքնաթիռները: Ինչպես հայտնում են տեղի ԶԼՄ–ները՝ Japan Airlines ավիաընկերության ինքնաթիռը Տոկիոյի Հանեդա օդանավակայանում վայրէջք կատարելիս բախվել է ճապոնական առափնյա պահպանության DHC-8 ռազմատրանսպորտային ինքնաթիռին։
Տեղական ԶԼՄ-ների տվյալներով՝ ուղևորատար ինքնաթիռում հարվածի պահին եղել է 379 մարդ, ներառյալ անձնակազմը, որոնք տարհանվել են: Առափնյա պահպանության ինքնաթիռի անձնակազմից 5 հոգի զոհվել են, իսկ կապիտանը ծանր վիրավորվել է։
NHK–ի հաղորդմամբ՝ այսօր Հանեդա օդանավակայանում կչեղարկվի Japan Airlines–ից և All Nippon Airways-ից մոտ 100 չվերթ:
Լուսանկարներում երևում է, թե ինչ է մնացել այրված առափնյա պահպանության ինքնաթիռից։
