Սանոսյանն անդրադարձել է 8 գյուղերի վերադարձի վերաբերյալ Ադրբեջանի կողմից հնչող հայտարարություններին
Մեզ հետ հանդիպումների ընթացքում միջազգային կառույցների մի շարք գործընկերներ, այդ թվում հատկապես ՀՀ-ում տարբեր բանկային դոնոր գործընկեր կազմակերպություններ մեծ հետաքրքրություն են ցուցաբերում «Խաղաղության խաչմերուկ» ծրագրի նկատմամբ: Այս մասին ասուլիսում նշել է ՏԿԵ նախարար Գնել Սանոսյանը:
«Նրանք մեզ հետ քննարկումներում փորձում են նախանշել, որ իրենք եւս հետաքրքրված են եւ եթե այդ ծրագրի որոշ հատվածներում շինարարություն կամ այլ գործընթաց իրականացնելու կարիք կա, ապա իրենք ուրախ կլինեն ներգրավվել այդ գործընթացներում: Այնպես որ ազդակները բավական դրական են»,-ասել է Սանոսյանը:
Անդրադառնալով Ադրբեջանի կողմից հնչող հայտարարություններին, 8 գյուղերի վերադարձի վերաբերյալ, ՏԿԵ նախարարն նշել է. «Այս մասին բազմաթիվ անգամ խոսել ենք: Կան որոշ տարածքներ, որոնք Ադրբեջանն է նախանշում, եւ կան տարածքներ, որ Հայաստանն է դրանց մասին խոսում: Հիմա գործընթացը կարող է կազմակերպվել հետեւյալ կերպ, որ այդ տարածքները նախանշվեն, դրանց իրավաբանական հիմքերը պետք է հանել, այնուհետեւ տեղի ունենա երկու գործընթաց՝ մեկը փոխանակումն է, մյուսը ֆիզիկապես թողնել, զուտ տարածական որոշակի կարգավորումներ ունենալ: Կարգավորում նկատի ունեմ այն, որ այդ տարածքները որոշակի կամերես ունեն եւ դելիմիտացիա, դեմարկացիա կոչվող երեւույթը կարող է այս հարցի պատասխանը տալ: Իմ պատկերացմամբ, այս հարցին կարելի է պատասխանել հենց այդ աշխատանքային խմբի շրջանակներում, երբ սահմանների դեմարկացիա, դելիմիտացիա տեղի ունենա»:
Հիշեցնենք` ավելի վաղ հայտնել էինք, որ Ադրբեջանի ԱԳՆ նախարար Ջեյհուն Բայրամովը հայտնել է, որ 8 գյուղերի վերաբերյալ քննարկումներ են անցկացվել:
