«Նրանց խնդիրը բոլորովին այլ է»․ Սերգեյ Լավրով
Արևմտյան երկրները չեն ձգտում խաղաղություն և կայունություն բերել Հայաստանին և ընդհանրապես Հարավային Կովկասին, նրանց խնդիրը Մոսկվային դուրս մղելն է։ Այս մասին հայտարարել է ՌԴ արտգործնախարար Սերգեյ Լավրովը՝ ՏԱՍՍ–ին տված հարցազրույցում։
«Այսօր Հայաստանը մի շարք մարտահրավերների է բախվում։ Ընդ որում, արևմտյան խաղացողների օգնությամբ դրանք պակասեցնել չի հաջողվի։ ԱՄՆ–ն և ԵՄ–ն, ի տարբերություն Ռուսաստանի, չի ձգտում խաղաղություն և կայունություն բերել հանրապետությունում և ընդհանուր Հարավային Կովկասում», –նշել է ռուս նախարարը։
Լավրովը հայտարարել է․ «Նրանց խնդիրը բոլորովին այլ է՝ դուրս մղել Մոսկվային և տարածաշրջանային մյուս ուժերին, ստեղծել լարվածության նոր օջախ Բալկաններից, Մերձավոր Արևելքից և Ուկրաինայից հետո»։
Միևնույն ժամանակ, ինչպես ընդգծել է ՌԴ արտգործնախարարը, բարդ իրավիճակից ելքն ակնհայտ է` կատարել Երևանի, Բաքվի և Մոսկվայի եռակողմ պայմանավորվածությունները բարձր մակարդակով։
