Սև ծովում ռուսական ականից նավ է պայթել. կան վիրավորներ

Պանամայի դրոշի ներքո գտնվող քաղաքացիական նավը պայթեցվել է Սև ծովում ռուսական ռազմածովային ականի կողմից։ Նավը շարժվում էր դեպի Դանուբի նավահանգիստներից մեկը՝ հացահատիկ բեռնելու: Այս մասին հայտնում են Ուկրաինայի պաշտպանական ուժերը։

Նավը կորցրել է արագությունն ու կառավարումը, վերին տախտակամածում հրդեհ է բռնկվել։ 

Ծովային անվտանգության և որոնողափրկարարական ծառայության նավակները օգնություն են ցուցաբերել անձնակազմին և բժիշկներ բերել: Երկու նավաստիներ վիրավորվել են։

Նրանցից մեկին տեղում բուժօգնություն է ցուցաբերվել, երկրորդ վիրավորը բուժաշխատողների ուղեկցությամբ տեղափոխվել է մոտակա հիվանդանոց։ Նրա վիճակը բավարար է։