Կան փակ ու դժվարանցանելի ավտոճանապարհներ․ իրավիճակը՝ ՀՀ ճանապարհներն

ՀՀ տարածքում կան փակ ու դժվարանցանելի ավտոճանապարհներ, որոշ հատվածներում ձյուն է տեղում։ Այս մասին տեղեկացնում է ՀՀ ՆԳՆ Փրկարար ծառայությունը։

Հաղորդվում է, որ փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։

Վարդենյաց լեռնանցքը (մառախուղ և բուք է) անվաշղթաների կիրառման դեպքում դժվարանցանելի է կցորդիչով բեռնատարների համար։

««Մեղրու սար» կոչվող հատվածում, Ելփինի, Աշոցքի և Ամասիայի շրջաններում, Գյումրի քաղաքում տեղում է ձյուն։

Վայոց Ձորի մարզի Ջերմուկ քաղաք տանող ավտոճանապարհներին, Սյունիքի մարզի Տաթև-Լծեն, Գորիս-Սիսիան, Սիսիան-«Զանգեր» կոչվող հատվածներում, Արագածոտնի մարզի Ապարանի, Արագածի և Թալինի շրջաններում տեղ-տեղ առկա է մերկասառույց»,-ասվում է հայտարարության մեջ։

Հիշեցնենք` Ստեփանծմինդա-Լարս ավտոճանապարհը փակ է բեռնատարների համար: