ՏԵՍԱՆՅՈՒԹ․ «Ռուսները կարող էին Ռոբերտ Քոչարյանին ու Սերժ Սարգսյանին պարտադրել». Սիմոնյան

«Ապուշություն, հիմարություն, սուտ. ինչի՞ համար պիտի գնանք արտահերթ ընտրությունների»։ Այս մասին լրագրողների հետ ճեպազրույցում ասել է ԱԺ նախագահ Ալեն Սիմոնյանը՝ պատասխանելով լրագրողի հարցին։ 

«Ուզում եմ հասկանալ՝ բավարար է, որ ֆեյսբուքյան մեկ-երկու օգտատեր մի ապուշություն գրի, դուք գալու եք, ԱԺ նախագահին էդ հարցերը տա՞ք, հա՞: Ապուշություն, հիմարություն և սուտ, ինչի՞ համար են պետք արտահերթ ընտրությունները»,- արձագանքել է Սիմոնյանը՝ հավելելով, որ կուսակցական տարբեր հարցեր են քննարկում նիստերին:

«Սահմանադրական մեծամասնություն ունենք, ինչի՞ պետք է գնանք նոր ընտրությունների»,- նշեց ԱԺ նախագահը:

Ալեն Սիմոնյանը նաև հայտնել է․ «Ժողովրդավար ընտրված իշխանությանը ոչ մեկ ոչ մի բան չի կարող պարտադրել։ Կարող էին ռուսները Ռոբերտ Քոչարյանին պարտադրեին, Սերժ Սարգսյանին։ ԱՄՆ-ն ինչ-որ գրանտ տալու դիմաց կարող էր նախկին իշխանություններին պարտադրեին»։

Մանրամասները՝ տեսանյութում։