Իլոն Մասկին պատկանող ընկերություններից մեկը փակվո՞ւմ է․ Bloomberg

Ամերիկյան Hyperloop One ընկերությունը, որը զարգացնում էր արագընթաց վակուումային գնացք, մոտ է փակմանը։ Այս մասին հայտնում է Bloomberg-ը՝ հղում անելով աղբյուրներին, փոխանցում է ՏԱՍՍ-ը։

Լրատվամիջոցի աղբյուրների խոսքով՝ այժմ ընկերությունը փորձում է վաճառել իր մնացած ակտիվները, այդ թվում՝ փորձարկման ուղու հատվածը և սարքավորումները։ Նշվում է, որ Hyperloop One-ն արդեն աշխատանքից ազատել է իր աշխատակիցների մեծ մասին և փակել իր գրասենյակը Լոս Անջելեսում։ Գործակալությունից հայտնել են, որ մյուս աշխատողներին, որոնց հանձնարարվել է վերահսկել ակտիվների վաճառքը, ասվել է, որ իրենց աշխատանքը կավարտվի դեկտեմբերի 31-ին:

Hyperloop One-ի մտավոր սեփականությունը կփոխանցվի ԱՄԷ-ում տեղակայված DP World կոնգլոմերատին, որը պատկանում է բաժնետոմսերի մեծամասնությանը, Bloomberg-ին հայտնել է աղբյուրներից մեկը։

Նշենք, որ Hyperloop-ի գաղափարն առաջարկվել է Իլոն Մասկի կողմից 2012 թվականին։