Վրաբեր ձյան պատճառով, բեռնատար ավտոմեքենաները արգելափակվել են․ ՆԳՆ-ն օգնության է հասել
Այսօր դեկտեմբերի 21-ին, ժամը 14:36-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հարժիս գյուղի խաչմերուկում՝ վրաբեր ձյան պատճառով, բեռնատար ավտոմեքենաները արգելափակվել են և չեն կարողանում շարունակել ընթացքը. դուրս բերելու համար անհրաժեշտ է փրկարարների օգնությունը: Այս մասին հայտնոմ են ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարները մոտ 1 կմ քարշակել են 2 բեռնատար ավտոմեքենա, որոնք շարունակել են ընթացքը:
Հիշեցնենք՝ ավելի վաղ Ճանապարհային դեպարտամենտից հայտնել էին, որ բքի պատճառով Մ-2 միջպետական ավտոճանապարհը Հարժիսից մինչև Շինուհայրի խաչմերուկ փակ է կցորդով տրանսպորտային միջոցների համար։
