Տեղ-տեղ մերկասառույց է․ իրավիճակը՝ ՀՀ ավտոճանապարհներին
Դեկտեմբերի 20-ին՝ ժամը 19։40-ի դրությամբ, Վարդենիսի, Ջերմուկի տարածաշրջաններում, Վարդենյաց լեռնանցքում, Մարտունի-Վարդենիս, Հոռոմ-Արթիկ-Ալագյազ ավտոճանապարհներին տեղ-տեղ մերկասառույց է։ Այս մասին հայտնում են Ճանապարհային դեպարտամենտից։
Հաղորդվում է, որ Մ-2 միջպետական ճանապարհի Հարժիս բնակավայրի հատվածում թույլ բուք է։
«Միջպետական և հանրապետական նշանակության բոլոր ավտոճանապարհները բաց են: Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ»,-ասվում է հաղորդագրության մեջ:
