Փարիզում Ելիսեյան այգիների մի ընդգրկուն հատված կվերանվանվի Շառլ Ազնավուրի անունով

Ի պատիվ Շառլ Ազնավուրի հարյուրամյակի՝ 2024 թվականին Փարիզի քաղաքապետարանը հարգանքի տուրք կմատուցի ֆրանսահայ արվեստագետին և հումանիստին՝ Շանզ-Էլիսեյան այգիներում գտնվող Լեդոյեն հրապարակի մի մասը վերանվանելով «Շառլ Ազնավուրի այգի»։

Փարիզի սրտում գտնվող այս տարածքը ժամանակավորապես փակ կլինի վերանորոգման և բարեկարգման համար՝ նպատակ ունենալով վերաբացել իր դռները հանրության առաջ 2024 թվականի գարնանը:

Աշխարհահռչակ ֆրանսահայ շանսոնյեն կյանքից հեռացել է 2018թ.-ի հոկտեմբերի 1-ին. նա 94 տարեկան էր: Շառլ Ազնավուրը մահացել է Ֆրանսիայի հարավ-արևելքում գտնվող Մուրիես քաղաքի իր տանը: