Վթարի պատճառ դարձած ավտոբուսի վարորդը դեռ բժիշկների հսկողության տակ է. մանրմասներ

«Երևանի ավտոբուս» ընկերության ներկայացուցիչը մանրամասներ է հայտնել օրերս մայրաքաղաքի կենտրոնում տեղի ունեցած մեծ վթարից։

«Թիվ 18 երթուղու ավտոբուսի վարորդ Ալեքսան Կարապետյանի ինքնազգացողությունը վատացել է մեքենա վարելու ընթացքում, ինչի հետևանքով վնասվել է 10 մեքենա։ Ուղևորներ ու հետիոտներ չեն տուժել, դեպքի վայր ժամանած շտապօգնության բրիգադը վարորդին տեղափոխել է Հերացու անվ․ համալսարանական հիվանդանոց, որտեղ ստացել է բուժօգնություն, և մինչ օրս բժիշկների հսկողության տակ է»,- հայտնել է ընկերության ներկայացուցիչ Խաչիկ Մալոյանը։

Ի պատասխան քաղաքապետ Տիգրան Ավինյանի հարցի՝ նա տեղեկացրել է, որ վարորդները մինչև երթուղի դուրս գալը ստուգվում են, վարորդի հետ էլ ամեն ինչ նորմալ է եղել։

Հիշեցնենք` դեկտեմբերի 15-ին Ճգնաժամային կառավարման ազգային կենտրոն ահազանգ է ստացվել, որ Երևանի Կորյունի և Աբովյան փողոցների խաչմերուկում տեղի է ունեցել ՃՏՊ՝ բախվել են ավտոմեքենաներ և ավտոբուս, կա արգելափակված տուժած