ՏԵՍԱՆՅՈՒԹ․ Սենյակում մարդ չկա, բայց լույսը վառվում է, անփույթ են․ Սուքիասյանը՝ էլեկտրախնայողության մասին
«Քաղաքացիական պայմանագիր» խմբակցության պատգամավոր Խաչատուր Սուքիասյանը տարածաշրջանային և եվրասիական ինտեգրման հարցերի մշտական հանձնաժողովի նիստում հետաքրքրվեց էլեկտրախնայողության մասին և նման դիտարկում արեց․ «Օրինակ, Հայաստանում մի այսպիսի հիվանդություն կա, որ սենյակում մարդ չկա, բայց այդ սենյակի լույսը վառվում է։ Այդ գիտակցությունը չկա, որ պետք է անջատել և դուրս գալ, որովհետև ավելորդ էլեկտրաէներգիա է ծախսվում»։
Այնուհետև պատգամավորը Հայաստանի տարածքային կառավարման և ենթակառուցվածքների փոխնախարար Հակոբ Վարդանյանին հարցրեց՝ հաշվարկներ կան, թե նման դեպքերում, որքան էլեկտրաէներգիայի կարուստ է լինում, ինչին փոխնախարարը պատասխանեց, որ հաշվարկ չունեն։
Իշխանական պատգամավորը կարևորեց, որ էներգախնայողության հասարակարգին պետք է անցնել նաև փողոցային լուսավորության դեպքում։
Մանրամասները՝ տեսանյութում։
