Լվովի փողոցներում սկսվել է «փափուկ մոբիլիզացիա». ԶԼՄ
Լվովի փողոցներում սկսվել է փափուկ մոբիլիզացիա. փողոցներում զինվորական հաշվառման և զինկոմիսարիատների աշխատակիցները անցորդներին պատմում են պայմանագրային ծառայության առավելությունների մասին: Այս մասին փոխանցում են ուկրաինական լրատվամիջոցները:
Ակցիայի շրջանակում հավաքագրման կենտրոնների աշխատակիցները փողոցներում կանգնեցնում են պոտենցիալ զորակոչիկներին և համոզում ծառայության անցնել։
Նրանց նպատակն է ոգևորել անցորդներին՝ ներկայացնելով պայմանագրային զինծառայության հնարավորությունները և առավելությունները։
Նշվում է, որ մեկ շաբաթ առաջ Վլադիմիր Զելենսկու գրասենյակի ղեկավարի խորհրդական Միխայիլ Պոդոլյակը, ելույթ ունենալով ուկրաինական հեռուստամարաթոնի եթերում, խոստովանել է, որ Ուկրաինայում հաջորդ մոբիլիզացիան հեշտ չի լինելու։
«Մոբիլիզացիան դժվար է լինելու»,- հայտարարեց նա։
