«Այս դեպքում դա մեզ չհաջողվեց». Իսրայելի ԶՈՒ ԳՇ պետ

Իսրայելի պաշտպանության բանակի գլխավոր շտաբի պետ Հերցի Հալևին հայտարարել է, որ երեք իսրայելցի պատանդների մահվան պատասխանատվությունն անձամբ իր վրա է: Նա խոստացել է ամեն ինչ անել, որպեսզի նման բան չկրկնվի։ Տեղեկատվւթյունը փոխանցում է Kommersant.ru-ն:

«Իսրայելի պաշտպանության բանակը, և ես՝ որպես նրա հրամանատար, պատասխանատվություն ենք կրում տեղի ունեցածի համար, և մենք կանենք հնարավոր ամեն ինչ, որպեսզի ապագայում նման միջադեպեր չկրկնվեն։ Իսրայելի պաշտպանության բանակի զինվորներն ու հրամանատարներն ամենից շատ ցանկանում են փրկել պատանդներին։ Այս դեպքում դա մեզ չհաջողվեց», - ասվում էՀալևիի Telegram-ում արված ուղերձում։

Ավելի վաղ Իսրայելի բանակը հայտնել է, որ իր զինվորականները սխալմամբ սպանել են երեք իսրայելցի պատանդների, որոնց շփոթել են ԱՄՆ-ի և Եվրամիության կողմից ահաբեկչական կառույց ճանաչված «Համաս»-ի զինյալների հետ։