Նավալնուն տեղափոխում են հատուկ ռեժիմի գաղութ․ աջակիցներ
Ռուս ընդդիմադիր առաջնորդ Ալեքսեյ Նավալնու աջակիցները հայտարարում են, թե իրավապահները նրան տեղափոխում են հատուկ ռեժիմի գաղութ։ Սակայն մինչև այժմ հայտնի չէ, թե կոնկրետ որտեղ։
Հաղորդվում է, որ Ռուսաստանում այդօրինակ 30 կալանավայր կա, որտեղ, ըստ օրենքի, պատիժ են կրում ցմահ ազատազրկման դատապարված կամառավել վտանգավոր հանցագործները։
Նշենք, որ ազատազրկման այդ վայրերում կալանավորները գտնվում են ուժեղացված հսկողության տակ, պատժախցերում կարող են լինել կրկնակի վանդակաճաղեր, կալանավորները գրեթե զրկված են տեսակցման կամ գրագրության իրավունքից։
Հիշեցնենք՝ դատարանը Նավալնուն դատապարտել է 19 տարվա ազատազրկման հատուկ ռեժիմի գաղութում՝ ծայրահեղական համայնք ստեղծելու և ֆինանսավորելու մեղադրանքով։
