Թուրքիայի ԱԳ նախարարը հայտնել է՝ որ դեպքում երկիրը կկարգավորի հարաբերությունները Հայաստանի հետ

Խաղաղության համաձայնագրից հետո տարածաշրջանում պետք է սկսվի բարգավաճման և զարգացման շրջան։ Այս մասին ասել է Թուրքիայի արտաքին գործերի նախարար Հաքան Ֆիդանը Ադրբեջանի արտգործնախարար Ջեյհուն Բայրամովի հետ համատեղ ասուլիսի ժամանակ՝ անդրադառնալով հայ-թուրքական հարաբերություններին։

«Խաղաղության համաձայնագրից հետո տարածաշրջանում պետք է սկսվի բարգավաճման և զարգացման շրջան։ Մենք կարծում ենք, որ տարածաշրջանում այլևս տեղ չկա պատերազմի, հակամարտությունների համար։ Թուրքիան աջակցում է երկու երկրների միջև խաղաղ բանակցություններին։ Եթե Ադրբեջանի և Հայաստանի հարաբերությունները կարգավորվեն, անմիջապես կկարգավորվեն նաև Թուրքիայի հարաբերությունները Հայաստանի հետ։ Թուրքիան միշտ աջակցում է հայ-ադրբեջանական հարաբերությունների կարգավորմանը»,- ասել է Ֆիդանը։