Ուկրաինան, անկասկած, կմիանա ՆԱՏՕ-ին․ Բայդեն
Ուկրաինան, անկասկած, կմիանա ՆԱՏՕ-ին, սակայն նրա անդամակցության հարցը կքննարկվի Ռուսաստանի հետ ռազմական գործողություններում հաղթանակից հետո։ Այս մասին հայտնել է ԱՄՆ նախագահ Ջո Բայդենն՝ Ուկրաինայի նախագահ Վլադիմիր Զելենսկու հետ բանակցություններից հետո։
Բայդենի խոսքով՝ Ուկրաինան դաշինքին ինտեգրելու մասին խոսակցությունն այժմ տեղին չէ, քանի որ ամբողջ ուշադրությունը պետք է կենտրոնացվի հակամարտության վրա։
«Անկասկած, ՆԱՏՕ-ն կլինի Ուկրաինայի ապագայում։ Բայց, ինչպես արդեն ասացինք Վիլնյուսում, Ուկրաինան կդառնա ՆԱՏՕ-ի անդամ, երբ բոլոր դաշնակիցները համաձայնեն, և պայմանները կատարվեն։ Այժմ մենք պետք է համոզվենք, որ Ուկրաինան կհաղթի պատերազմում»,- ասել է Բայդենը հանդիպումից հետո մամուլի ասուլիսի ժամանակ:
Ուկրաինան ՆԱՏՕ-ին անդամակցելու հայտ է ներկայացրել 2022 թվականի սեպտեմբերին։ Հուլիսին Վիլնյուսում կայացած դաշինքի գագաթնաժողովից հետո որոշվել է, որ երկիրը կմիանա ՆԱՏՕ-ին, երբ դրա համար անհրաժեշտ պայմանները կատարվեն։
