Պաշտոնական Երևանը հաստատում է. Միրոզոյանը` գերիների վերադարձի մասին
Պաշտոնական Երևանը հաստատում է՝ այսօր ակնկալվում է հայ գերիների վերադարձը Հայաստան։
Լրագրողների հարցերին ի պատասխան այսօր արտգործնախարար Արարատ Միրզոյանը հայտնել է, որ կողմերի միջև ձեռքբերված պայմանավորվածությունները չեն փոխվել։
«Պայմանավորվածությունների որևէ փոփոխություն տեղի չի ունեցել։ Այս պահին ամեն ինչ ընթանում է պայմանավորվածությունների համաձայն։ Եթե նկատել եք, երկու բաղադրիչ կար՝ գերիների ազատ արձակում և կար կլիմիայի այդ կոնֆերանսի կոմպոնետը։ Եվ ահա այդ կոնֆերանսը պաշտոնապես ավարտվել է երեկ և այսօր արդեն մենք կարող ենք սպասել երկրորդ բաղադրիչի իրականացմանը, և մենք չունենք հիմք, որ ադրբեջանական կողմը չի պահպանի պայմանավորվածությունները», - ասել է Միրզոյանը։
Հիշեցնենք, որ արդեն ադրբեջանական մի շարք լրատվամիջոցներ` վկայակոչելով իրենց աղբյուրները, հաղորդում են գերիների փոխանակման գործընթացի սկսման մասին:
