Լեհաստանում որոշ խմբավորումներ պատրաստվում են Բելառուսում ահաբեկչություններ իրականացնել․ Բելառուսի ՊԱԿ նախագահ
Բելառուսի պետանվտանգության կոմիտեի (ՊԱԿ) նախագահ Իվան Տերտելը հայտարարել է, որ Լեհաստանում 7 խմբավորումներ պատրաստվում են Բելառուսում օբյեկտներ գրավել և ահաբեկչություններ իրականացնել։
«Ամենաագրեսիվ խմբավորումը մարզվում է Բիալիստոկում՝ կարդինալ Վիշինսկի փողոցի 6ա հասցեում: Այն ղեկավարում է մեր քաղաքացի Ասադուլաևը՝ ծնված 1991 թվականին, ով ժամանակին սովորել է Ռազմական ակադեմիայում և փախել արտերկիր»,-Տերտելի խոսքը մեջբերում է БелТА։ Այժմ Ասադուլաեւը թաքնվում է «Շլյախտիչ» կեղծանվամբ։
Բելառուսի հատուկ ծառայությունները բազմիցս տեղեկություններ են ստացել, որ լեհական խմբերը ցանկանում են սադրանքներ իրականացնել «1939 թվականի մեթոդներով»։ Այս կապակցությամբ ՊԱԿ-ի ղեկավարը նշել է, որ Մինսկը հիշում է, թե ինչպես սկսվեց Երկրորդ համաշխարհային պատերազմը՝ գերմանացիների սադրանքով՝ «լեհական համազգեստներ օգտագործելով»։
ՊԱԿ-ի ղեկավարն անընդունելի է համարել իրավիճակը։
«Մենք չենք օգտագործում այս պրակտիկան և չենք կարծում, որ դա լավ է»,- ասաց Տերտելը:
Նա կոչ է արել Ուկրաինայի, Լեհաստանի և Բալթյան երկրների իր գործընկերներին պատրաստվել այն բանին, որ Բելառուսի դեմ օգտագործվող զենքերը կարող են ուղղվել իրենց իսկ կուրատորների դեմ։
