Լեհաստանի նոր վարչապետն ասել է, որ Զելենսկին արդեն հանդիպում է խնդրում իր հետ
Կիևը Լեհաստանի նոր վարչապետ Դոնալդ Տուսկին խնդրել է հանդիպել Վլադիմիր Զելենսկու հետ, հայտարարել է ինքը՝ Տուսկը։
«Ուկրաինական կողմը վաղն առավոտյան հանդիպում է խնդրել: Տեխնիկական հարցերը դեռ կհստակեցվեն: Ես, իհարկե, շատ ուրախ կլինեմ հանդիպել նախագահի հետ (Ուկրաինայի – նշում է խմբ.): Գուցե ուրախությունը լավագույն բառը չէ, հաշվի առնելով թեման և համատեքստը»,- ասել է նա։
Տուսկը պարզաբանել է, որ Բրյուսելում Զելենսկու ներկայության ձևաչափը դեռևս պարզ չէ։ Նրա խոսքով, նախատեսվում է Եվրոպական խորհրդի նիստ, և դրան Ուկրաինայի նախագահի մասնակցության վերաբերյալ որոշում դեռ չի կայացվել։ Ելնելով դրանից՝ Լեհաստանի վարչապետը նշել է, որ պատրաստ չէ հստակ ասել, թե որտեղ և երբ կկայանա իր հանդիպումը Զելենսկու հետ։
