Հայկական ֆուտբոլում իրավիճակն աղետալի է․ «Փյունիկ» ֆուտբոլային ակումբի նախագահ

Եթե Հայաստանի ֆուտբոլի ֆեդերացիայի ղեկավարությունը առաջիկա ընտրություններում չփոխվի, «Փյունիկ» ֆուտբոլային ակումբի ակադեմիայի 34 թիմ և 2 գլխավոր թիմ չի մասնակցի Հայաստանի հաջորդ առաջնությանը և ընդհանրապես իր թիմերին չի հայտավորի հաջորդ մրցաշրջանին համար։ Այս մասին ասուլիսի ընթացքում հայտարարեց ֆուտբոլի Հայաստանի Պրեմիեր լիգայի առաջատար Երևանի «Փյունիկի» սեփականատեր-նախագահ Արթուր Սողոմոնյանը:

«Հայկական ֆուտբոլում իրավիճակն աղետալի է։ Միակ հնարավորությունը դեկտեմբերի 23-ի ընտրությունն է և ղեկավարության փոփոխությունը։ Եթե ղեկավարությունում մնա Արմեն Մելիքբեկյանը, «Փյունիկը» չի մասնակցի Հայաստանի առաջնությանը, և ես կհեռանամ ֆուտբոլից, քանի որ իմաստ չեմ տեսնում։ Մենք չենք ցանկանում մասնակից լինել հայկական ֆուտբոլի ոչնչացմանը»,- նշել է Սողոմոնյանը։

Նշենք, որ ակումբը դժգոհ է հայկական ֆուտբոլի ղեկավարումից և նախորդ տարվանից պահանջում էր ՀՖՖ նախագահ Արմեն Մելիքբեկյանը հրաժարականը։

Հիշեցնենք՝ Հայաստանի Ֆուտբոլի Ֆեդերացիայի նախագահի ընտրությունը կկայանա դեկտեմբերի 23–ին։ Պայքարում են գործող նախագահ Արմեն Մելիքբեկյանը և հավաքականի նախկին ֆուտբոլիստ Արաս Օզբիլիսը։