Միջազգային օլիմպիական կոմիտեն (ՄՕԿ) հայտնել է, որ 2024 թվականի Օլիմպիական խաղերին Ռուսաստանի և Բելառուսի մարզիկներին թույլ կտա չեզոք կարգավիճակով մասնակցել: Այս մասին հայտնում է կազմակերպության կայքը։

Հաղորդագրության մեջ նշվում է, որ բոլոր մարզիկները որակավորում ստանալու համար պետք է համապատասխանեն խիստ պահանջներին: 2024-ի Օլիմպիական խաղերի որակավորում ստացած 4600 մարզիկներից միայն 11-ն են անհատական մասնակիցներ, ովքեր հանդես են գալու չեզոք դրոշներով: Նրանք ութ ռուս և երեք բելառուս են:

ՄՕԿ-ը նշում է մարզիկներին ներկայացվող որոշ պահանջներ: Փաստաթղթում ասվում է, որ, մասնավորապես, 2024 թվականի Օլիմպիական խաղերին թույլ չեն տա մասնակցել այն մասնակիցներին, ովքեր ակտիվորեն աջակցում են պատերազմին: Ընտրություն չեն անցնի նաև այն մարզիկները, որոնք պայմանագրեր ունեն ռուս և բելառուս զինվորականների, ինչպես նաև այդ երկրների ազգային անվտանգության մարմինների հետ:

2024 թվականի Օլիմպիական խաղերին Փարիզում չեն լինի Ռուսաստանի և Բելառուսի դրոշը, օրհներգը, ծաղիկները կամ որևէ այլ պետական խորհրդանիշ: Ռուս և բելառուս պաշտոնյաներից ոչ մեկին չեն հրավիրի և չեն հավատարմագրի Օլիմպիադային։

Փարիզի Օլիմպիական խաղերը կանցկացվեն 2024 թվականի հուլիսի 26-ից օգոստոսի 11-ը։