Վրաստանն ավելի շատ հետաքրքրված է ՌԴ-ի հետ հարաբերություններով, քան ԵՄ-ի

Վրաստանի իշխանություններն ավելի շատ շահագրգռված են Ռուսաստանի հետ գործարար հարաբերությունների պահպանմամբ, քան դեպի Եվրամիություն առաջխաղացմամբ։ Այս մասին հայտնում է Reuters գործակալությունը՝ վկայակոչելով անանուն եվրոպացի պաշտոնյային։ 

«Ինչ վերաբերում Է Վրաստանին, ապա նրա կառավարությունը, կարծես, ավելի շատ շահագրգռված է Ռուսաստանի հետ գործեր ունենալու հարցում, քան դեպի ԵՄ տանող ճանապարհով շարժվելու մեջ»,- ասել է գործակալության զրուցակիցը, որը մասնակցում է ԵՄ ձգտող երկրների հետ բանակցություններին:

Նրա խոսքով՝ վերջին ժամանակներս Վրաստանը «հեռացել է առանցքային բարեփոխումների իրականացումից», որոնք անհրաժեշտ են ԵՄ-ին անդամակցելու համար:

Չնայած դրան, Բրյուսելը չի ծրագրում հեռանալ Թբիլիսիից, քանի որ հակառակ դեպքում «Վրաստանը կհայտնվի Ռուսաստանի ազդեցության ոլորտում», հավելել Է պաշտոնյան:

«Այնպես որ, ԵՄ հաջորդ քայլը հավասարակշռություն գտնելն է»,- եզրափակել Է Reuters-ի զրուցակիցը: