ՏԵՍԱՆՅՈՒԹ․ Ինչպես է թուրքական ֆուտբոլային ակումբի նախագահը բռունցքով հարվածում մրցավարին․ հայտնի է պատճառը
Թուրքական «Անկարագյուջյու» ֆուտբոլային ակումբի նախագահ Ֆարուք Քոջան վազել է խաղադաշտ և հարվածել մրցավար Հալիլ Ումութին Թուրքիայի ֆուտբոլի առաջնության Ռիզեսփորի հետ խաղից հետո։ Այս մասին հայտնում են միջազգային լրատվամիջոցները։
Թուրքիայի Սուպերլիգայի առաջնության 15-րդ տուրի «Անկարագյուջյու» - «Ռիզերսպոր» (1:1) հանդիպման ավարտից անմիջապես հետո «Անկարագյուջյուի» նախագահ Ֆարուկ Կոջան մտել է խաղադաշտ եւ բռունցքով հարվածել հանդիպման գլխավոր մրցավարին։ Խաղի ընթացքում մրցավարը չի հաշվել «Անկարագյուջյու»-ի խաղացող Ալի Սոուի գոլը։ Երկրորդ խաղակեսում մրցավարը խաղադաշտից հեռացրեց նրան։ Ռիզեսփորը հավասարեցրել է հաշիվը Ադոլֆո Գայիչի գոլի շնորհիվ՝ ավելացված 7-րդ րոպեին, երբ թիմերն արդեն հավասար ուժերով էին խաղում։
ֆուտբոլային ակումբի նախագահի հարվածից հետո մրցավարն ընկել է սիզամարգին և ևս մի քանի հարված ստացել անծանոթներից, ովքեր վազել են խաղադաշտ։ Մրցավարը խաղից հետո տեղափոխվել է հիվանդանոց։ Թուրքիայի ֆուտբոլի ֆեդերացիայի տնօրենների խորհուրդը որոշում է կայացրել միջադեպի կապակցությամբ արտահերթ նիստ անցկացնել։
Ոստիկանությունը հայտարարել է, որ սկսել է հետաքննություն։
