Եթե չփախչեին բանակից և զորակոչից, օրենքում ոչ մի բան էլ չէինք փոխի. Անդրանիկ Քոչարյան

Բանակից փախչողներին ոչ թե պետք է դատել, այլ տալ այլընտրանքային հնարավորություններ։ Այս մասին այսօր ասաց ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը` «Զինվորական ծառայության և զինծառայողի կարգավիճակի մասին» օրենքում լրացումներ և փոփոխություն կատարելու նախագծի քննարկման ընթացքում։

«Ամբողջական լուծում, որը բոլորին բավարար չի գտնվելու։ Եթե չփախչեին բանակից և զորակոչից, այս դեպքում օրենքում ոչ մի բան էլ չէինք փոխի. ինչի՞ են գնացել։ Խնդիրը խորքային է: Բայց եկեք խորքերը ման չգանք, այլ գտնենք լուծում, որ մարդկանց ոչ թե դատենք, այլ այլընտրանքային հնարավորություն տանք: Տրված է 4 այլընտրանքային ուղղություններ, եւ դրան հետ կապված մենք պետք է համերաշխ լինենք, իսկ ապագայում օրենքի ինչպիսի կարգավորումներ կգտնենք, դա ոչ մեկը մեզ չի կաշկանդում»,- ասել է Քոչարյանը։

Հիշեցնենք` ԱԺ–ն առաջին ընթերցմամբ քննարկում է 27 տարին լրացած և պարտադիր զինծառայություն չանցած անձանց մասին կարգավորումը։