Նրանց մոտ ոչինչ չի ստացվի, երբեք․ Պուտին

Արևմուտքը փորձել է հետ մղել, թուլացնել և, ի վերջո, ջախջախել Ռուսաստանին, սակայն դա նրա մոտ երբեք չի ստացվի: Այս մասին հայտարարել է ՌԴ նախագահ Վլադիմիր Պուտինը Հայրենիքի հերոսների օրվան նվիրված արարողության մասնակիցների հետ շփման ժամանակ: Զրույցի մի հատված ընդգրկվել է «Մոսկվա. Կրեմլ. Պուտին» հաղորման մեջ «Ռոսիա-1» հեռուստաալիքի եթերում, որը հրապարակվել է լրագրող Պավել Զարուբինի Telegram ալիքում։ Տեղեկությունը փոխանցում է ՏԱՍՍ-ը։

«Ռուսաստանին հետ մղելու, թուլացնելու, ի վերջո ջախջախելու փորձ։ Նրանց մոտ ոչինչ չի ստացվի, երբեք»,- հայտարարել է Ռուսաստանի ղեկավարը։

Նրա խոսքով՝ 2014 թվականին Մինսկի համաձայնագրերի կնքումից հետո Ուկրաինան և Արևմուտքը հավաստիացրել են դրանք կատարելու պատրաստակամության մասին։

«Թե՛ Գերմանիայի նախկին կանցլերը, թե՛ Ֆրանսիայի նախկին նախագահը հրապարակայնորեն ասացին. «Մենք նույնիսկ չէինք էլ մտածում դա իրականացնելու մասին, մենք ստորագրել ենք միայն Ուկրաինային ռազմական գործողությունների նախապատրաստելու համար»,- հիշեցրել է Պուտինը։