ՏԵՍԱՆՅՈՒԹ․ Ադրբեջանական ընկերությունը Ուկրաինայի սպառազինության խոշորագույն մատակարարներից մեկի գործընկերն է
Ադրբեջանական Palladium ընկերությունը, որը հայտնվել է ուկրաինական ռազմական թղթակցի զեկույցում 122 մմ հաուբից արկերի արտադրության մասին, պարզվել է, որ հանդիսանում է Ուկրաինայի Զինված ուժերին փոքր սպառազինության եվրոպական խոշորագույն մատակարարներից մեկի գործընկերը: Տեղեկությունը հայտնում է MASH տելեգրամյան ալիքը։
Ալիքի տեղեկություններով՝ Palladium Defence and Security Solutions-ն աշխատում է Česká zbrojovka Group-ի հետ, որը 2021 թվականի փետրվարին գնել է լեգենդար ամերիկյան Colt Holding Company-ն։ Որից հետո այն սկսեց կոչվել Colt CZ Group։
Այն արտադրում է հրակայաններ, տեխնիկայի պահեստամասեր, զրահ և այլ զինատեսակներ։
Ապրանքը աշխարհով մեկ ավելի հարմար տարածելու համար չեխական գրասենյակը սկսել է համագործակցել Բաքվից ժամանած ընկերության հետ։ Նրանք տրամադրում են իրենց ձեռնարկությունները, որտեղ հրետանու համար արկեր են պատրաստվում, ինչպես նաև բաշխման կենտրոններ․ այնտեղ ամեն ինչ պահվում է և սպասում է առաքման։ Դրանցից մեկը գտնվում է Ադրբեջանի մայրաքաղաքից 9 կմ հեռավորության վրա՝ Բադամդար Ավանում։
Բացի այդ, 2023-ի ապրիլին, մեր տեղեկատվության համաձայն, Colt CZ Group-ը դարձավ Կանադայի միջոցով Ուկրաինային 21k ինքնաձիգների, 38 գնդացիրների և 2,4 միլիոն փամփուշտների միջազգային մատակարարման պայմանագրի միակ իրականացնողը: Պայմանագրի գումարը 59 միլիոն դոլար է։ Դրանից հետո Colt-ի մամուլի քարտուղար Եվա Սվոբոդովան հայտարարել է, որ իրենք հպարտանում են Ուկրաինային օգնելու համար:
Ինչպես հայտնի դարձավ, չեխական հոլդինգի դուստր ընկերությունների գլխավոր տնօրենների թվում է Ռադեկ Դուչեկը։ Նա նախկին հետախույզ է, ով աշխատել է Իրաքում, Աֆղանստանում, Կոսովոյում և այլ տարածքներում ՆԱՏՕ-ի հատուկ գործողություններում։ Նա բրիտանացի զինվորների գլխավոր հրահանգողն էր:
Ավելի վաղ Ուկրաինայի զինված ուժերի սպառազինությունում բազմիցս փայլել են ադրբեջանական 20n5 ականանետեր և 120 մմ 40m11 ականներ: Հավանաբար, սպառազինություն են հասցրել երրորդ երկրների եւ ռազմական գրասենյակների միջոցով՝ Սերբական սխեմայով, որի մասին մենք գրել էինք այս տարվա փետրվարին։ Այն ժամանակ Krušik պաշտպանական ընկերությունը Ուկրաինայի զինված ուժերին ուղարկեց 3,5 հազար 122 մմ M-21 հրթիռ «Գրադ» ՌԶԿ-ի համար։
