ՏԵՍԱՆՅՈՒԹ․ 6 տարի անց Էրդողանը կրկին Հունաստանում է
Թուրքիայի նախագահ Ռեջեփ Թայիփ Էրդողանը 6 տարվա ընթացքում առաջին անգամ պաշտոնական այցով ժամանել է Հունաստան։ Այս մասին տեղեկացնում են թուրքական լրատվամիջոցները։
Նախորդ անգամ Էրդողանը Հունաստան էր այցելել 2017 թվականի դեկտեմբերին։
Օդանավակայանում Թուրքիայի նախագահին դիմավորել է Հունաստանի ԱԳ նախարար Յորգոս Գերապետրիտիսը։ Սպասվում է, որ իր այցի ընթացքում Էրդողանը Հունաստանի իշխանությունների հետ կստորագրի բարեկամական հարաբերությունների և բարիդրացիության մասին հռչակագիր:
Հունիսին Էրդողանը հայտարարել էր, որ Թուրքիան կարող է այլ կերպ գործել Էգեյան ծովում, որտեղ հակամարտություններ կան Հունաստանի հետ, խաղաղ կարգավորմանը խոչընդոտելու դեպքում:
