ՏԵՍԱՆՅՈՒԹ․ Տոկաևը մի գնդակով հարվածում է, մեկ ուրիշը մտնում է դարպասը․ Ղազախստանի նախագահի «հզոր» հարվածը

Ղազախստանի նախագահ Կասիմ-Ժոմարտ Տոկաևը ցուցադրել է իր ֆուտբոլային հմտությունները Մարտուկի շրջանի Սարժանսայ գյուղում գտնվող մարզահամալիր աշխատանքային այցի ժամանակ: Այս մասին հայտնում են տեղի լրատվամիջոցները։

Հաղորդվում է, որ Տոկաևը մարզահամալիրում խլել է գնդակը և, ինչպես երկրի լրատվամիջոցներն են գրում՝ գոլ խփել երիտասարդ մարզիկի դարպասին։ Սակայն ավելի ուշ որոշ լրատվամիջոցներ նկատել են, որ տեսանյութը մոնտաժված է և այն պահին, երբ գնդակը հասնում է դարպահին կադրը փոխվում է։ 

Համացանցում Ղազախստանի նախագահի տեսանյութն այսպես են մեկնաբանում․ «նա այնքան լավ ֆուտբոլիստ է, որ մի գնդակով հարվածում է, մեկ ուրիշը մտնում է դարպասը»։

Գրում են նաև, թե հարվածն այնքան «հզոր» էր, որ գնդակը փոխվել է հենց թռիչքի ժամանակ․ «նույնիսկ Ռոնալդուն ու Մեսսին չեն կարող դա անել»։