ՏԵՍԱՆՅՈՒԹ․ Իրավիճակը՝ Վերին Լարսում․ Քերոբյանը՝ կուտակված մեքենաների մասին
ԱԺ-ում կառավարության հետ հարցուպատասխանի ժամին ՀՀ Էկոնոմիկայի նախարար Վահան Քերոբյանը պատասխանելով հարցին, թե իր գնահատականով ինչ իրավիճակ է այս պահին Վերին Լարսի անցակետում, ասաց, որ անցակետը բաց է։
«Լարսի վերաբերյալ կարող եմ հայտնել հետևյալը, որ այս պահին հիմնականում մեքենաները անցնում են Լարսի անցակետով։ Պետք է նշեմ, որ խնդիրներն առաջացել են ուժեղացված վերահսկողության կամ հսկողության արդյունքում։ Այդ իրավիճակից հետո մենք խնդիրների վերաբերյալ մի քանի մակարդակներում նախաձեռնել ենք քննարկում, թե ինչպես կարող ենք այդ խնդիրների լուծման վերաբերյալ աշխատել, և կարող եմ ասել, որ անցած ուրբաթ օրվանից հետո մեքենաների թողունակությունը կամ անցնելը վերականգնվեց»,-ասաց նախարարը։
Քերոբյանը կարևորրեց այն, որ Հայաստանում արտադրված ապրանքները պետք է լինեն բարձրակարգ, ոչ միայն, որպեսզի հասանելիությունը այլ շուկաներում լինի ավելի մեծ և ավելի լավ գնով, այլ նաև մեր հանրության համար:
Մանրամասները՝ տեսանյութում։
