ՏԵՍԱՆՅՈՒԹ․ Արդեն 6 տարի ա՝ իշխանության եք, որ հարց եմ տալիս փորձեք կոնկրետ պատասխանել․ Քոչարյանի և Փաշինյանի բանավեճը
Հայաստանում հիմա քաղաքական գործիչները պոդյեզդներում չեն սպանվում, ընտրությունները չեն կեղծվում, սրա-նրա հետ բիզնեսում փայ չեն մտնում, Եռաբլուրի հողամասերը չեն սեփականաշնորհում։ Այս մասին այսօր ԱԺ-ում հայտարարեց վարչապետ Նիկոլ Փաշինյանը` պատասխանելով «Հայաստան» խմբակցության պատգամավոր Լևոն Քոչարյանի հարցին:
«Ժողովրդի վրա չեն կրակում, ընտրությունները չեն կեղծում, սրա-նրա հետ բիզնեսում փայ չեն մտնում, «Եռաբլուրում» հողեր չեն սեփականաշնորհում», -թվարկեց Փաշինյանը:
Քոչարյանն ի պատասխան արձագանքեց․ «Չեք հոգնե՞լ համեմատություններ անելուց, որ հարց եմ տալիս` փորձեք կոնկրետ պատասխանել»։
Նա հիշեցրեց, որ վարչապետի ավտոշարասյունը հղի կնոջ է գցում մեքենայի տակ ու «լայաղ» չի անում կանգնի:
«Արդարադատության հետ կապված` խնդրում եմ, մի ծիծաղացրեք, տեսնում ենք` ինչ է կատարվում», - նշեց Քոչարյանը:
Նիկոլ Փաշինյանն էլ ասաց, թե Լեո-Պարոնյան փողոցում տեղի ունեցած միջադեպը իրավուքն ունեն հիշել նրանք, ովքեր «Առագաստ» սրճարանում ծեծելով սպանել են ՀՅԴ-ական Պողոս Պողոսյանին:
«Ես չեմ հոգնում ձեր հարցերին պատասխանելիս, դրանք շատ մեծ օգուտներ են բերում», - հավելեց Նիկոլ Փաշինյանը:
Մանրամասները՝ տեսանյութում։
