ՏԵՍԱՆՅՈՒԹ․ Տակդիրներ՝ ավագանու ՔՊ անդամների համար․ իրավիճակը՝ Ալավերդիում

Ալավերդու համայնքապետարանի մոտ հավաքված քաղաքացիները տակդիրներ ուղարկեցին ավագանու անդամների համար։ 

Նշենք, որ մինչ այդ նրանք պահանջել էին, որ Արկադի Թամազյանին իմպիչմենտ հայտնելու որոշման տակ ստորագրություն դրած մարդիկ իջնեն ու պատասխանեն իրենց հարցերին։ Տեսնելով, որ իրենց պահանջը չի կատարվում` նրանք տակդիրներ ուղարկեցին` ակնարկելով, որ ավագանու անդամները վախենում են հանդիպումից։

Ալավերդցիները շրջափակել են համայնքապետարանի մուտքը և պահանջում են արտահերթ ընտրություններ։ Նրանք ավագանու ՔՊ անդամներից պահանջում են իրենց փոխարեն չորոշել, թե ով պետք է ղեկավարի համայնքը։

Հայտնել էինք, որ Ալավերդի համայնքի ավագանին լարված իրավիճակում կարողացավ անվստահություն հայտնել Արկադի Թամազյանին: Համայնքապետ ընտրվեց ավագանու ՔՊ խմբակցության ղեկավար Դավիթ Ղումաշյանը: