ՏԵՍԱՆՅՈՒԹ. Ուժգին հրդեհ է բռնկվել ավտոմոբիլային շուկայի տարածքում. Թաթարստան
Նաբերեժնիե Չելնիում հրդեհ է բռնկվել Garage-500 ավտոմոբիլային շուկայի տարածքում։ Այս մասին Telegram-ի իր ալիքում հայտնել է Թաթարստանի Հանրապետության դատախազության մամուլի ծառայությունը։
Դեպքի առթիվ հետաքննություն է նշանակվել։ Հրդեհի վայր է մեկնել Նաբերեժնիե Չելնիի դատախազի տեղակալ Օլեգ Ուլյանչենկոն։
Ինչպես տեղացիներն են նշում, փրկարարները ուշացել են, և կրակը տարածվել է ողջ տարածքում։ Նրա տարածքն արդեն 750 քմ է, իսկ հրդեհը միայն սաստկանում է։ Բարեբախտաբար, տուժածներ չկան, իսկ շտապօգնության ծառայություններն արդեն ժամանել են դեպքի վայր։ Ներկերի և այլ դյուրավառ նյութերի վրա կրակի տարածման վտանգ կա։
