ՏԵՍԱՆՅՈՒԹ. Մոսկվայի Կիևսկոյե մայրուղում խոշոր վթար է տեղի ունեցել. այրվել են մի քանի մեքենաներ

Մոսկվայի Կիևսկոյե մայրուղու 34-րդ կմ-ում մի քանի մեքենաների մասնակցությամբ վթար է տեղի ունեցել, հայտնում է մայրաքաղաքի տրանսպորտի վարչությունը դեկտեմբերի 2-ի գիշերը։ Երթեւեկությունը արգելափակված է։

Գերատեսչության տվյալներով՝ արդեն դեպքի վայր են ժամանել քաղաքի արտակարգ իրավիճակների ծառայությունները։ Խորհուրդ է տրվում խուսափել մայրուղու այս հատվածից։

Ականատեսների վկայությամբ մայրուղու վրա այրվում էին քարշակ և դրա վրա գտնվող մարդատար ավտոմեքենա, ինչպես նաև բեռնատարից ոչ հեռու գտնվող մեկ այլ մեքենա։

Ենթադրվում է, որ մեկ մարդ մահացել է։ Վթարի մանրամասները ճշտվում են։