Բայդենի հերթական սխալը․ ինչն է շփոթել այս անգամ
ԱՄՆ նախագահ Ջո Բայդենը հրապարակային ելույթի ժամանակ շփոթել է Չինաստանի առաջնորդ Սի Ցզինպինի անունը՝ նրան անվանելով մեկ այլ հայտնի չինացի քաղաքական գործչի անունով։
«Ահա, խնդիրն ինչում է: Եվ ես սա ասացի Դեն Սյաոպինին Հիմալայներում, ես ասացի աշխարհի մյուս առաջնորդներին. «երբեք խաղադրույք չանեք ամերիկացիների դեմ»»,-հայտարարել է Բայդենը։
Բայդենը մեկ անգամ չէ, որ պատմել է իր զրույցների պատմությունը լեռների ստորոտում, նա դրանով ավարտել է իր հրապարակային ելույթների մեծ մասը։ Բայց, լրատվամիջոցների փոխանցմամբ՝ այս պատմության մեջ ԱՄՆ նախագահի զրուցակիցը նախկինում միշտ եղել է Չինաստանի առաջնորդ Սի Ցզինպինը։
Դեն Սյաոպինը չինացի քաղաքական գործիչ է, ով իրականում ղեկավարել է Չինաստանի Ժողովրդական Հանրապետությունը 1970-ականների վերջից մինչև 1990-ականների սկիզբը: Բայդենը, որն այն ժամանակ սենատոր էր, հանդիպել է Սյաոպինգին 1979 թվականին՝ որպես ամերիկացի օրենսդիրների պատվիրակության կազմում։
