Իսրայելը բոլոր կանանց ու երեխաներին ազատելու դիմաց առաջարկ ունի. The Times
The Times-ը՝ վկայակոչելով բանակցությունների ընթացքին ծանոթ աղբյուրը հայտնում է, որ Իսրայելի ներկայացուցիչները պատրաստ են Գազայի հատվածում ևս երեք օրով երկարաձգել հրադադարը, եթե պաղեստինյան ՀԱՄԱՍ շարժումն ազատ արձակի պատանդ բոլոր կանանց և երեխաներին։
Ըստ հրատարակության՝ Իսրայելի իշխանությունները կարծում են, որ ՀԱՄԱՍ-ը պատերազմի առաջին օրը գերի է վերցրել մոտ 100 իսրայելցի կնոջ ու երեխայի։
Իսրայելցի բանակցողները նախկինում ասել էին, որ հրադադարի առավելագույն ժամկետը կլինի տասը օր, սակայն The Times-ը նշում է, որ զինվորականները ցանկանում են վերսկսել հարձակումը Գազայի վրա «մինչ այն կորցնի թափը»:
